ကိုယ်ပေါင်းသင်းနေတဲ့ သူငယ်ချင်းတွေထဲမှာ ကိုယ့်ရဲ့အားလပ်ချိန်တွေ ဖဲ့ပေးပြီး ပေါင်းသင်းလောက်ရအောင် မထိုက်တန်တဲ့သူတွေ ရှိနေပါတယ်။ သူတို့တွေအတွက် အချိန်ပေးမယ့်အစား အခြားအကျိုးရှိမယ့် အရာတစ်ခုခုကို လုပ်လိုက်တာက ပိုကောင်းပါတယ်။ ဘယ်လို သူငယ်ချင်းမျိုးတွေက သင့်အတွက် အချိန်ကြာလေ စိတ်ပျက်စရာကောင်းစေလိမ့်မလဲဆိုတာ ပြောပြပေးရရင်တော့
၁။ကိုယ့်အစီအစဉ်တွေကို မသိမသာ လိုက်ဖျက်နေတတ်သူ
တစ်ခါတစ်လေ သူငယ်ချင်းတွေနဲ့ မဟုတ်ပဲ ချစ်သူနဲ့တွေ့ရမယ့်အချိန် ကိုယ့်ဆီ ဘွားခနဲပေါ်လာပြီး ဘယ်သွားမယ်၊ ဘာလုပ်မယ် အတင်းကြီး လိုက်စီစဉ်ပစ်လိုက်တဲ့ သူငယ်ချင်းမျိုး ကြုံဖူးပါသလား။ ဒါမှမဟုတ်လည်း မိသားစုကို အချိန်ပေးမယ်လို့ စဉ်းစားလိုက်တာနဲ့ ကိုယ့်ကို အပြင်အတင်းခေါ်ထုတ်သွားတတ်တဲ့ သူငယ်ချင်းမျိုးပေါ့။ ကိုယ်စီစဉ်ထားတာတွေ သိရဲ့နဲ့ ကိုယ့်ကိုသူနဲ့အတူ အဖော်လိုက်ပေးဖို့၊ အချိန်ဖြုန်းပေးဖို့ အတင်းပြုမူလုပ်ဆောင်နေတဲ့ သူငယ်ချင်းမျိုးဟာ တကယ်ကို စိတ်ပျက်စရာကောင်းတဲ့သူပါ။ သူဟာ ကိုယ့်အပေါ် ဘာလေးစားမှု၊ နားလည်မှုမှ ပေးနိုင်မယ့်သူ မဟုတ်ဘူးဆိုတာ သေချာနေပါတယ်။
၂။သူ့အကြောင်းကိုချည်း နင်းကန်ပြောတတ်သူ
သင်က သင့်အကြောင်း တစ်ခုခု ပြောလိုက်တယ် ဆိုပါစို့။ ဥပမာ နောက်တစ်ပတ်ကျရင် တစ်နေရာရာကို ခရီးသွားမယ် ဆိုတာမျိုးပေါ့။ သူက ကိုယ့်အကြောင်းဆက်နားမထောင်တော့ပဲ သူအဲ့ဒီနေရာကို ဘယ်တုန်းကရောက်ပြီး၊ ဘာတွေလုပ်တယ်၊ ဘာဖြစ်တယ် ဆိုတာ ဆက်တိုက်ပြောဆိုနေတတ်တဲ့ သူငယ်ချင်းမျိုး၊ ကိုယ့်အကြောင်း နည်းနည်းလေး စမပြောလိုက်နဲ့ ကိုယ်က ပြောရမယ်မရှိပဲ သူချည်း ဖိပြောနေတတ်တာမျိုးဟာ အတော်စိတ်ပျက်စရာ ကောင်းတာပါ။ အထူးသဖြင့် သူဟာ တစ်ဖက်လူစကားကို အလေးပေးနားထောင်ရမယ်ဆိုတဲ့ အခြေခံအသိလေးတောင် မရှိပါဘူး။
၃။သူနဲ့အတူ မူးယစ်ဆေးဝါးသုံးကြည့်ဖို့ ကိုယ့်ကိုအတင်းဖိအားပေးတတ်သူ
သူနဲ့မတွေ့လိုက်နဲ့၊ တွေ့တာနဲ့ သူသုံးတဲ့ မူးယစ်ဆေးဝါးတစ်ခုခုကို သူနဲ့အတူသုံးဖို့ သင့်ကို ဖိအားပေးတတ်သူဟာ မပေါင်းအပ်တဲ့ သူငယ်ချင်းပါပဲ။ အနည်းဆုံးတော့ သင့်ရဲ့ဆုံးဖြတ်ချက်အတိုင်းသာ ရှိသင့်ပါတယ်။ လုပ်ဆောင်သင့်ပါတယ်။
၎။ကိုယ်စိတ်ဝင်စားနေတဲ့ သူကို ကိုယ်ကြိုက်နေမှန်းသိသိရက်နဲ့ အတင်းလိုက်ကပ်နေတဲ့ သူ
သူငယ်ချင်းဆိုတာ တစ်ယောက်ရဲ့ခံစားချက်ကို တစ်ယောက်နာကျင်အောင်တော့ မလုပ်တတ်ကြပါဘူး။ အထူးသဖြင့် အချစ်ရေးမှာဆိုရင်လည်း ကိုယ့်သူငယ်ချင်း စိတ်ဝင်စားနေတဲ့သူကို ကိုယ်ကသိသိရက်နဲ့ အတင်းလိုက်ရော၊ လိုက်ကပ်ပြီး ကိုယ့်ကိုကြိုက်အောင် လုပ်တာမျိုးဆိုတာ ဘယ်လိုမှ မလုပ်သင့်၊ မဖြစ်သင့်တဲ့အရာပါ။
၅။သင့်ဘ၀အတွက် အခက်အခဲကြီးကြီးမားမား ရှိနေချိန် သင့်ကို အဖက်တောင် မလုပ်တဲ့သူ
ဘ၀အတွက် အပြောင်းအလဲဖြစ်စေမယ့် အရာတွေ သင်လုပ်ဆောင်နေရတဲ့အချိန်၊ ဒါမှမဟုတ် အခက်အခဲတွေကြုံနေရချိန် သင့်ဘေးမှာ မရှိတဲ့ သူငယ်ချင်း၊ သင်အရေးတကြီးလိုအပ်နေချိန်တောင် သင့်ဆီ ရောက်မလာနိုင်တဲ့ သူငယ်ချင်းမျိုးကိုတော့ သင့်စိတ်ထဲမှာ ဘာလို့အရေးပေးနေတော့မှာလဲ။
၆။ သူနဲ့မခင်တဲ့ သင့်ရဲ့အခြားသူငယ်ချင်းတွေကို အမြဲအပြစ်ပြောဆိုဝေဖန်တတ်သူ
လူတိုင်းဟာ တွေ့လိုက်တာနဲ့ကို ခင်မင်ရင်းနှီးသွားရမယ်လို့ မဟုတ်ပေမယ့် သူကတော့ အဆိုးမြင်ဝါဒီသမားသက်သက်ဖြစ်နေတာပါ။ အထူးသဖြင့် သင့်ရဲ့အခြားသော သူငယ်ချင်းတွေကို သူကြည့်မရတာမျိုး၊ သင့်အလုပ်ကလူတွေဆို အကောင်းမပြောတာမျိုး၊ သူနဲ့အဆင်ပြေတဲ့သူဆိုလို့ သင်ကလွဲပြီး အခြားမရှိနိုင်တော့ပါဘူး။
၇။သင့်ကို မနာလိုဖြစ်ပြီး သင့်အတွက် ဘယ်တော့မှ ပျော်ရွှင်မပေးနိုင်သူ
သင်တစ်ခုခုကို အောင်အောင်မြင်မြင် လုပ်ဆောင်နိုင်တိုင်း သူ ဘယ်တော့မှ ချီးမွမ်းပြောဆိုတာမျိုး မရှိပေမယ့် မျက်နှာပျက်သွားတာမျိုးတော့ အခါခါပါ။ အဲ့ဒီအချိန် သင်နဲ့စကားမပြောချင်တော့သလိုလို လုပ်ပစ်တာမျိုးလည်း သင်ကြုံရနိုင်ပါ တယ်။ သူငယ်ချင်းဖြစ်ပြီး သင်နဲ့အတူ လိုက်ပြိုင်နေတယ်လို့ ခံစားရရင်တော့ သူငယ်ချင်းစာရင်းကသာ အမြန်ထုတ်ပစ်လိုက်ပါ။
ဖိုးသူတော် (www.phothutaw.com)
Credit: Trend Myanmar
Subscribe to:
Post Comments (Atom)
Post a Comment
Note: Only a member of this blog may post a comment.